Ջանի Ռոդարի
Անբան Ջովանինոն շատ էր սիրում ճամփորդել: Ճամփորդեց-ճամփորդեց, ու հայտնվեց մի երկրում, որտեղ ոչ մի սուր բան չկար: Տներն այդ երկրում կառուցված էին առանց սուր անկյունների, դրանք կլոր էին: Շենքերի տանիքներն էլ էին կլոր: Ճանապարհին, որով քայլում էր Ջովանինոն, թփերի ու վարդերի պուրակ կար: Ջովանինոն ցանկացավ վարդով զարդարել իր բաճկոնը: Նա փորձեց զգուշությամբ պոկել վարդը, որ մատը չծակի, բայց հանկարծ նկատեց, որ փշերը չեն էլ ծակում: Պարզվում է, դրանք բոլորովին էլ սուր չեն, պարզապես ձեռքդ մի քիչ խուտուտ են տալիս:
_ Այ քեզ հրա՜շք,-զարմացավ Ջովանինոն:
Հենց այդ պահին վարդի թփերի ետևից հայտնվեց քաղաքի պարեկը և քաղաքավարի ժպտալով՝ ասաց Ջովանինոյին.
_ Դուք երևի չգիտեք, որ չի կարելի վարդ քաղել:
_ Ներեցե՛ք ինձ … ես չմտածեցի, որ…
_ Այդ դեպքում Դուք պետք է վճարեք տուգանքի կեսը,-ասաց պարեկը նույն հաճելի ժպիտով և սկսեց անդորրագիր գրել: Ջովանինոն հանկարծ նկատեց, որ պարեկի գրչածայրը սուր չէ, բութ է: Նա հարցրեց պարեկին.
_ Ներեցե՛ք, կարելի՞ է Ձեր թուրը տեսնել:
_ Խնդրեմ ,-ասաց պարեկը և Ջովանինոյին տվեց իր թուրը: Պարզվեց, որ թուրն էլ սուր չէ, բութ է:
_ Լավ, էս ի՞նչ զարմանալի երկիր է, էս ո՞ւր եմ ընկել: Այստեղ ամեն ինչ տարօրինակ է:
_ Մեր երկրում ոչ մի սուր բան չկա,-բացատրեց պարեկը այնքան քաղաքավարի, որ ամեն մի բառը կարելի էր մեծատառով գրել:-Բա՛, վաղուց արդեն առանց մեխերի ենք յոլա գնում:
_ Մեխե՞ր,-հարցրեց Ջովանինոն,-չէ ՞ որ դրանք պետք է սուր լինեն:
_ Մենք վաղուց արդեն առանց մեխերի ենք յոլա գնում: Չէ՞ որ սոսինձ կա: Իսկ հիմա բարի եղեք ինձ երկու անգամ ապտակել:
Ջովանինոյի բերանը զարմանքից բաց մնաց, կարծես պատրաստվում էր միանագամից մի մեծ տորթ կուլ տալ:
_ Ո՜չ, ի՜նչ եք ասում, ես չեմ ուզում հայտնվել բանտում քաղաքի պարեկին վիրավորելու համար: Եթե այդպես է, ե՛ս պետք է երկու ապտակ ստանամ, ոչ թե դուք:
_ Դուք երեևի չգիտեք, մեզ մոտ այդպես է ընդունված,-սիրով բացատրեց պարեկը,-լրիվ տուգանքը՝ չորս ապտակ, տուգանքի կեսը՝ երկու,-պատասխանեց պարեկը:
_ Երկու ապտակ՝ պարեկի՞ն:
_ Պարեկին:
_ Դա արդար չէ: Այդպես չի՛ կարելի:
_ Իհարկե արդար չէ: Իհարկե՝ այդպես չի կարելի,-պատասխանեց պարեկը:-Դա այնքան անարդար և սարսափելի է, որ մարդիկ օրենքները չեն խախտում, այնպիսի բաներ չեն անում, որի համար տուգանք պիտի մուծվի. նրանք ամեն ինչ անում են, որ չապտակեն անմեղ պարեկներին: Դե՛, ես սպասում եմ. տվեք ինձ երկու ապտակ և մյուս անգամ ավելի զգույշ կլինեք:
_ Բայց ես չեմ ուզում նույնիսկ Ձեր այտը ճմկտել, ուր մնաց՝ ապտակեմ:
_ Այդ դեպքում ես պիտի խնդրեմ, որ գնաք մեր երկրից: Ես կուղեկցեմ Ձեզ մինչև սահման:
Ջովանինոն, որ շատ էր ամաչում, ստիպված հեռացավ այն երկրից, որտեղ ոչ մի սուր բան չկար: Ինչ էլ լինի, մեկ է, մինչև հիմա նա երազում է վերադառնալ այնտեղ, որ ապրի աշխարհի ամենաքաղաքավարի օրենքներով և ամենադաստիարակված մարդկանց հետ, մի քաղաքում, որտեղ ոչ մի սուր բան չկա:
Տեքստից դու՛րս բեր անծանոթ բառերը և բացատրությունը գրիր օնլայն բառարանի միջոցով։
ճանփորթել -շրջագայել
տանիք-կտուր
պուրակ-զբոսայգի
բաճկոն-վերարկու
պարեկ-պահակ
քաղաքավարի-բարեկիրթ
տուգանք-փոխհատուցում
անդորրագիր-ստացական
զարմանալի-անսպասելի
ապտակել-սիլլա տալ
անարդար-անիրավացի
սարսափելի-ահավոր
խախտել-չկիրառել
Դու՛րս գրիր կարմիրով նշած բառերը և կազմիր դրանց հոգնակին։
երկիր-երկրներ
բան-բաներ
պուրակ-պուրակներ
բաճկոն-բաճկոններ
վարդ-վարդեր
մատ-մատներ
քաղաք-քաղաքներ
անդորագիր-անդորագրրեր
թուր-թրեր
տորթ-տորթեր
տուգանք-տուգանքներ
ապտակ-ապտակներ
Տեքստից դուրս բեր ի՞նչ հարցին պատասխանող 7 բառ, դրանց ավելացրու հատկանիշ(ինչպիսի՞) ցույց տվող բառ և կազմիր նախադասություն, օրինակ՝ վարդ-կարմիր վարդ Կարմիր վարդերի փունջն իսկական անակնկալ էր։
տանիք-կլոր տանիք
Շենքի կլոր տանիքին նստած եին թռչունները :
երկիր -զարմանալի երկիր
Այս զարմանալի երկրում ապրում են օրինապահ մարդկ:
փուշ-սուր փուշ
Սուր փուշը ծակեց փոքրիկի ձեռքը:
տորթ-մեծ տորթ
Ծննդյանս օրը մայրիկս մեծ տորթ էր գնել
քաղաք -մաքուր քաղաք
մաքուր քաղաքի փողոցները լվանում են ջրով:
ժպիտ-հաճելի ժպիտ
Պարեկը հաճելի ժպիտով տղամարդ էր:
ապտակ-տհաճ ապտակ
Ջովանինոն չցանկացավ տհաճ ապտակ տալ Պարեկին:
Ի՞նչ կլիներ, եթե մեր երկրում էլ բոլոր սուր բաները վերանային։
եթե մեր երկրում բոլոր սուր բաները վերանան , ապա կառաջանան մի շարք խնդիրներ:
Ինչպիսինն էր պարեկը։
Պարեկը բարեհամբույր,համբերատար, կրթված ,քաղաքավարի,մարդ է:
Ինչու՞ Ջովանինոն զարմացավ։
Որովհետև այնտեղ ոչ մի սուր բան չկար:Մարդիկ այստեղ շատ քաղաքավարի են:
Գրի՛ր փոքրիկ նամակ Ջովանինոյին։
Հարգելի՛ Ջովանինո, դու պետք է իմանայիր այդ քաղաքի օրենքները , որպեսզի չտուգանվեիր: Ինձ էլ են դուր գալիս քաղաքավարի մարդիք: Հաջորդ անգամ ինձ էլ քեզ հետ կտանես այդ երկիր :
Հարգանքներով Նարեկից:
Առաքելյան Նարեկ 